Anton: Guck emal, da geht der Herr Miller,daß iß e braver Mann.
Balser: Waß iß der? E braver mann? E ganz schlechter Kerl isses. Der wor
mit meiner Fraa verlobt un hat die sach rückgängig gemacht.
Ja, ihr Leut, die Jugend heutzudag hot gar kaan Begriff, wies hier in Frankfurt vor verzig Johr ausgesehe hot un was mer für Berjer un wos die Berjer fir Berjersinn gehabt hawwe. Do will ich Ihne e schee Geschicht aus der domoligen Zeit verzehle, die Wort für Wort wahr iß. Do iß inder Fahrgaß,owwe net weit von der aal Brick,Nummer siwwe glaab ich isses, e Haus,do hot zu dommoliger Zeit der Sengnator Neuß gewohnt. Noch heut kann mer die Eise iwwer der ehemoligen Hausdhir, die odder jetzt de Eingang in e Sigarrenlädche bilde dhut, iwwer de Eingang also, kenne se die Glowwe noch sehe,wo die zwaa roth un weiße Laderne draa befestigt worn. Denn der Herr Sengnator Neuß war aach e paar mol Bojermaster gewese. Dann hawwe vorm Haus e Schilderhaus un e Poste gestanne un die zwaa Laterne hawwe gebrennt. Na also kurz un gut. In dem Haus unne wor e sogenannt Gewölb, daß zu Meßzeid an Meßleut vermieth iß worn;sonnst hats leer geschdanne. Do sägt emol die Fraa Sengnator zu ihrm Mann:"A sag emol , Vadderche, kenner mer dann net aus dem Gewelb en Lade mache losse un firs ganze Johr vermiede? Mer kenne dann doch sicher hunnert Gulde Zins lese.Das unheimliche dunkele Gewelb iß mer schon lang e Dorn im Aag."- "Ei wann de s meenst, Mudderche, mir isses recht", fängt der Herr Sengnator un so iß ewens aus dem Gewelb en Lade gemacht worn. wie der Lade ferdig wor, iß der Schneider Worschter, der glicklicher Vadder von siwwe Kinner wor, komme un hot en gemieht,um e Merceriegeschäft drinne zu betreiwe. Der Miethzins war hunert Gulde.Uff Neujahr wor die erschte haljährige Ladenmieth fällig un ißt die Fraa Worschter mit funfzig Gulden enuff zu der Fraa Sengnator. wie se in di Stubb komme iß, hawwe siwwe Packeterscher uff de Disch gelege un die Fraa Sengnator hot gesagt:" Hier Fraa Worschter hab ich jedem von Ihne Ihre Kinner e Christkinnche gekaaft,nemme Se sen mit. Die fufzig Gulde nemme Se oder aach wiedder mit. Leut die siwwe kinner hawwe, kenne kaa Lademieth zahle". - So waschs- Die Fraa Worschter hot dot die fuzig Guld un die Christkinnercher mitgenomme un de Herr Worschter hat dann siwweunzwanzig Johr den lade gelbt un kaan Heller Mieth gezohlt.Im Herbst, wann die ibliche drei Herbstdäg (zur Traubenlese) worn, wor die Familie Worschder mit Kind und Kegel in den großen Gaarde vom Herrn Sengnator uff de Redderbeerg eingelade. Do hots Wei un alle megliche Schinke-und Worschtbreddercher gewwe. E Jedes hat e Scheer un en Kerbche kriecht un dann ging die Trauwwelees vor sich, am Owend hat dann die Familie Worschter en Korb voll Trauwele mit haam kricht un wie dann der Wei im Faß klar wor, trag se aach noch zwelf Flasche Wei. Jetzt kimmt odder des Allerscheenste: Mit der Zeit wor die Wohnung, dorch die verännerte verhältnisse, doch net mehr schdandesgemäß fir den Herr Sengnator un er wollt des Haus verkaafe. Er hots den Herr Worschter fir zwanzigtausend Gulde aageboten, der hot odder gesagt, er wißt net wie er die Zinse erausbringe sellt. Do hots dann der Metzgermeister Seeger gekaaft, der wor domols grod von Owerrad hierher gezoge. Der Herr Worschter mußte odder ausziehe, hot odder in der Näh e anner Lädche gemieth. eh er odder aus dem Haus enaus iß, kom der Herr Sengnator un hot em finftausend Gulde - ja finftausend Gulde - baar Geld als Geschenk uff en disch gelegt. Ja, so Berjer hot mer fellmols gehott, sucht se emol heut, si wern dinn gesset sei.
Wann ihr odder aon dem Haus Fahrgass No. 7 vorbei geht,guckts Euch aa, Iwwer der ehemalige Hausdhier is noch e Wappe von der Familie Neuß. e Fischreuß in Schdaa ausgehache.
Aus den Buch Schnick- Schnack von Paul Quilling.
mit zugefrorenen Main und Blick von Sachsenhausen nach Frankfurt
Blick vom Mainufer in Sachsenhausen nach Frankfurt 2002
Main - Flöserbrücke - Dom und Bankenviertel
Die Hälfte von Fünf.
Lehrer: ,, Karlche, was iß die Hälfte von finf?"
Kalchen: ,, Ei Herr Lehrer wisse se deß net - Halwer finf !
Deutsch.
Ein Fremder (fragt mehrere zusammenstehende Sachsehäuser):
,, Können Sie mir vieleicht sagen, wo hier der Pfarrer Stein wohnt?"
1.Sachsehäuser: ,, Pfarrer Stein-- naa, den gibts heii hiwwe net.
Dou Schosch waaßt Dou, wu e Pfarrer Stein wuhnt."
2. Sachsehäuser: Naa, deß waaß ich net.
U" meene Se vieleicht de Pfarrer Schdaa?"
Fremder: ,, Ja gewiß."
2. Sachsehäuser: ,, Ach suh, a der wuhnt do unne. Sie misse odder
ach deutsch redde, sonst verschdieht ihne jo kaa Mensch."
